Maripe thaj nashipe
Klicka på flaggan för text på svenska
Sostar si 62 Romane dialektura?
Text: Gregor Kwiek
Pala amari shib, zhanas ke le Rom mekle e India de 1000 bersh kodoloeske, thaj zhanas ke kethanes lam vorbi thaj e grammatika vazdaspe ande Grecia, apol sostar si atunchi 62 Romani dialektura, thaj hunji hacharen jekh jekhes thaj hunji chi hacharenpe. Ande India vorbinpe 1652 shiba, adjes. Jekh andal maj zurale teoriji penel ke ame chi meklam e India sar jekh nacia vaj gruppa, numa ke ame meklam la sar jekh gruppa manush andal buth falura manush, thaj akanak shaj das anglal sostar ame meklam e India.
Jekh Indianicko kethania
Mahmud Ghasni i rött
Assigned to Kamaleddin Behzad , via Wikimedia Commons
Kathar o Janko Hancock (Romano Proffressro anda Universiteto ando Austin, Texas pe lingvistika) zhanas ke o Mahmud anda Ghazni (anda Afganistano) kamelas te phirravel pesko Islamicko krajipe ande India.
No sar gelas angle e vrama, kade gruppa chi njerisardas le Mahmudos, thaj aresle te naken lesko krajipe anda Persia thaj gele maj dur, o gindo kathe si ke von nashle, thaj nashle karing e Evropa. Numa sajekh shaj delpe gindo o manush, jiva sas amen buth falura shiba atunchi, sajekh kidam kethanes vorbi, thaj amari grammatika kerrdjilas ande jekh than.Kade le Indianicka princura dinepe gindo te vazden jekh kethania te traden les palpale, thaj zhangle ke kadi kethania avela avral o them buth vrama. Kade line von thaj bishade kusa le kethani manushen save shaj den len trajosko zhutipe, sar kjirratoria, rashaja, sastjitara, sadjitora, djilabitora, khelitora, thaj kaver. Sa kadala manush shindjile anda hunzhulebuth falura manush, buthe shibanca.
