Jekhe ezero phirripe
Klicka på flaggan för text på svenska
Text: Gregor Kwiek
Ande Romani shib arakas buth vorbi Indianicka, sar na primer le vorbi Dand, Vush, Jakha, Khan, Jekh, Duj, Thrin thaj maj buth kaver. Hunjivar kerrdjolpe kade ke xasajvel jekh vorba anda jekh shib, vaj pharrudjol. Na primer, si amende jekh Persianicko (Iranicko) vorba ande Romani shib sar e vorba Brek, thaj kadala vorbako hasnipe chi arakas adjes ande moderno Iranicko shib.
Po drom avri anda India, ame lam hunzhule vorbi pal thema so naklam angla te aresas ande Evropa, sar Xurde anda Persianicko, Grast anda Armenicko, thaj Shukar anda Turkicko. Kana areslam ande Grecia, las te kerrdjol amari grammatika, thaj kothe sas kaj arakadjilas e Romani shib. No pherdal kadal hunzhulimatha le vorbengi thaj e grammatikako vazdipe ande Grecia, zhanas save thema naklam (kruglom na vortha) angla te shindjuvas pe sa e Evropa. Te dasa amen gindo kade, ke e Romani shib naj de kechi purani, troboj vi te das amen gindo ke pe kodi vrama buth shiba Evropake vortha lenas te kerrdjon.
